«жўрабек мирзамаҳмудов» тегли мақолалар
Тест: Бу гапни ким айтган?
«Кўп гўшт еяпмиз», «кунига 5600 сўм топган одам қашшоқ эмас», «2,5 млн сўм беш кишилик оилани боқишга бемалол етади» — бундай шедеврлар тарихда қолди. Ҳозир амалдорлар ўта эҳтиёткор. Шунга қарамай, 2023 йил ҳам бир қатор иқтибослар билан тарихда қолади. «Газета.uz» улар асосида тест тайёрлади.
«Биз газ «заправка»ларини ёпмадик» — энергетика вазири
Энергетика вазири Жўрабек Мирзамаҳмудовнинг айтишича, вазирлик Ўзбекистондаги газ «заправка»ларини ёпмаган, фақат иш вақтини чеклаган. Аввалроқ 630 дан ортиқ газ тўлдириш шохобчалари совуқ ҳаво туфайли ўз фаолиятини тўхтатгани хабар қилинган эди.
Россиядан газ импорт қилиш фақатгина иқтисодий талабдан келиб чиқиб амалга оширилмоқда — энергетика вазири
Жўрабек Мирзамаҳмудов нега Ўзбекистон октябрь ойида Россиядан ҳам газ импорт қилишни бошлаганига изоҳ берди. «Асосий сабаб — ортиб бораётган талаб, ўсиб бораётган истеъмол», — деди энергетика вазири. У, шунингдек, Россиядан газ олиб келиш учун тайёр инфраструктура бўлганини қайд этди.
«Буни бажаролмасак, ишлашга нолойиқмиз». Энергетика вазири — 2024 йилдан энергоресурсларга бўлган ички талабни 100 фоиз қондириш вазифаси ҳақида
Энергетика вазири Жўрабек Мирзамаҳмудов YouTube`даги «Ўзи нима гап?» лойиҳасига берган интервьюсида 2024 йилдан энергоресурсларга бўлган ички эҳтиёжни 100 фоиз қоплаш вазифаси қўйилганини билдирди. «Агар буни бажаролмасак, нафақат мен, балки тизимдаги барча масъуллар ишлашга нолойиқмиз», — деди у.
«Барча нарсани 7 эмас, 77 марта ўлчаш керак». Энергетика вазири — Ўзбекистонда АЭС қурилиши ҳақида
Ўзбекистон «Росатом» билан АЭС қуриш масаласини муҳокама қилишда давом этмоқда, деди Энергетика вазири Жўрабек Мирзамаҳмудов. Унинг айтишича, нафақат Россия, балки бошқа мамлакатларнинг ҳам тажрибаси ўрганилмоқда. «Росатом» раҳбари аввалроқ томонлар «шартнома имзолашдан йироқда эмас»лигини айтганди.
Сиёсий омилларга боғлаш нотўғри деб ўйлайман, бу тижорий муносабат — Энергетика вазири Россиядан газ импорти ҳақида
Энергетика вазири Жўрабек Мирзамаҳмудов Ўзбекистон Туркманистондан газ импорт қилиш билан параллель равишда узоқроқда бўлган Россиядан ҳам газ импорт қилаётгани ҳақида гапириб, масаланинг сиёсий оқибатларига изоҳ берди. «Сиёсий омилларга боғлаш нотўғри деб ўйлайман, бу тижорий муносабатлар», деди у.
Энергетика вазири — янги биноларнинг электр тармоқларига бўладиган юкламаси ҳақида
Қонунчилик палатасида энергетика вазири депутатнинг Тошкентда кўп қаватли уйлар қурилишининг ошиши энергетика тармоғига қандай таъсир қилаётгани ҳақидаги саволига жавоб берди. Унинг айтишича, ҳозирда янги техник шартлар жорий қилинган, аввалгидек ягона дарча орқали рухсатнома олиш тақиқланган.
Энергетика вазири — Ўзбекистондаги бензин билан боғлиқ вазият ва Россиядаги ёқилғи экспорти тақиқининг таъсири ҳақида
Энергетика вазири Жўрабек Мирзамаҳмудов Россиянинг бензин экспортига қўйган тақиқи Ўзбекистонда ёқилғи билан боғлиқ вазиятга таъсир қилганини айтди. Ҳукуматлараро келишув имзолангандан сўнг Ўзбекистонга ноябрь ойида Россия бензини келди. Жами 371 минг тонна бензин импорт қилиниши режалаштирилган.
Ўзбекистонда энергетика тизими 1 декабрдан 24 соатлик иш тартибига ўтади
Энергетика вазири Жўрабек Мирзамаҳмудов президентга берган ахборотида энергетика тизими 1 декабрдан 24 соатлик иш тартибига ўтишини маълум қилди. Қайд этилишича, аҳоли ва корхоналарни табиий газ билан барқарор таъминлаш мақсадида қўшимча 5 миллиард куб метр кафолатли газ манбалари ҳал қилинган.
Қишда Тошкентда энергетика инқирозининг олдини олиш учун нималар қилинмоқда? Энергетика вазири жавоби
Энергетика вазири Жўрабек Мирзамаҳмудов депутатларга энергетика инқирозининг олдини олиш учун Тошкентда қишга тайёргарлик қандай кетаётганини сўзлаб берди. Шу мақсадда қозонхоналар таъмирланиб, янги подстанция ва электр линиялари қурилди, мазут захиралари яратилди ва бошқа ишлар бажарилди, деди у.
Ўзбекистонда электр тарифлари ошгани тадбиркорларнинг қуёш панелларини ўрнатишини тезлаштирди
Тадбиркорлар электр энергияси тарифлари оширилганидан сўнг ўз объектларига қуёш панелларини тезроқ ўрната бошлади, дея маълум қилди Ўзбекистон энергетика вазири Жўрабек Мирзамаҳмудов. Шунингдек, у панеллаларни ўрнатишда тўсиқлар мавжудлиги ҳақида Қонунчилик палатасида айтилган гапларни рад этди.
Ўзбекистон ерости газ омборлари 98 фоизга тўлган — «Ўзтрансгаз»
Куз-қиш мавсумига тайёргарлик доирасида Ўзбекистоннинг «Газли» ва «Хўжаобод» ерости газ омборлари 98 фоизга тўлган. Об-ҳаво илиқ бўлгани сабабли улардан газ олиш ҳозирча бошланмаган. Энергетика вазири аввалроқ кунлик газ олиш қуввати 18−20 млн кубометрдан 30 млн гача оширилишини таъкидлаган эди.
«Газдан воз кечмаймиз» — Ўзбекистон энергетика вазири
Электр энергияси ишлаб чиқаришда қуёш, шамол ва гидроэнергетика улушини ошириш режаларига қарамай, Ўзбекистон «газдан воз кечмайди», деди Энергетика вазири Жўрабек Мирзамаҳмудов. Унга кўра, мамлакат газдан фойдаланган ҳолда электр энергияси ишлаб чиқаришни деярли 2 баравар оширишни режалаштирмоқда.
Ўзбекистон Россиядан 300 млн куб метрга яқин газ импорт қилди
«Газпром» билан тузилган шартномага кўра, 7 октябрдан бери Ўзбекистон Россиядан 300 млн куб метрга яқин газ импорт қилди, деди энергетика вазири Жўрабек Мирзамаҳмудов. У импорт қилинган «мовий ёқилғи» нархини яна ошкор қилмади.
Ўзбекистон ва «Газпром» энергетика соҳасида ҳамкорлик бўйича стратегик меморандумни имзолади
Ўзбекистон ва Россиянинг «Газпром» компанияси ўртасида стратегик меморандум имзоланди. Унга кўра, газ таъминоти ва ташиш, шунингдек, углеводородларни геология-қидириш ҳамда қазиб олиш соҳасида ҳамкорликни ривожлантириш режалаштирилмоқда.
«Барча АГТКШлар учун сотув нархи бир хил». Энергетика вазири айрим «заправка»лар учун имтиёзлар борлигини рад этди
Жўрабек Мирзамаҳмудов баъзи газ қуйиш шохобчалари учун имтиёзли нархлар борлиги ҳақидаги саволга жавоб берди. Давлат етказиб берувчилари барча «заправка»ларга газни ягона нархда сотади, деди энергетика вазири.
Энергоресурсларнинг узлуксиз таъминланиши учун нималар қилиняпти? Энергетика вазирининг жавоби
Энергетика вазири Жўрабек Мирзамаҳмудов «Газета.uz»га берган интервьюсида энергоресурслар билан узлуксиз таъминлаш учун қандай ишлар амалга оширилаётгани ҳақида гапириб берди. Аввалроқ у буни таъминламай туриб, аҳоли учун электр ва газ тарифлари оширилмаслигини айтганди.
«Муроса вариантини топдик». Энергетика вазири — Жанубий Кореяга газ учун 1 млрд доллар қарзни тўлаш ҳақида
Ўзбекистон ва Жанубий Корея қўшма газ лойиҳаси доирасида «Ўзтрансгаз»нинг Корея компаниялари олдидаги қарзини тўлаш бўйича «муроса вариантини» топди, деди энергетика вазири Жўрабек Мирзамаҳмудов. Унга кўра, лойиҳада ишлаб чиқариладиган хомашё ва товар газига тарифларни ўзгартириш кўзда тутилган.
Ўзбекистон ва Россия нефть етказиб беришни кўпайтириш ва атом иншоотлари қуришни муҳокама қилди
Ўзбекистон энергетика вазири Жўрабек Мирзамаҳмудов ва Россия ҳукумати раҳбари ўринбосари Александр Новак Ўзбекистонга нефть ва нефть маҳсулотлари етказиб беришни кўпайтириш имкониятлари, шунингдек, «Росатом»нинг янги атом энергетикаси иншоотларини қуришда иштироки истиқболларини муҳокама қилди.
Ўзбекистон барча нефть ва газ конларини Россияга бермаган — энергетика вазири
Энергетика вазири Жўрабек Мирзамаҳмудов Ўзбекистон барча газ ва нефтга оид эксклюзив ҳуқуқни Россияга қарашли компанияга 35 йилга бергани ҳақидаги маълумотни рад этди. «Эксплуатацияда бўлган конларнинг асосий қисми «Ўзбекнефтгаз»га тегишли», — деди у.
Энг кўп ўқилган хабарлар | Сўнгги янгиликлар
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
Қўшимча имкониятларга эга булиш учун сайтда рўйхатдан ўтинг